ગુજરાત સરકાર દ્વારા ઐતિહાસિક અને ધાર્મિક પર્યટન સ્થળોના વિકાસ માટે વિવિધ યોજનાઓ હાથ ધરવામાં આવી રહી છે. તે અંતર્ગત પાવાગઢ વિસ્તારમાં આવેલા હેરિટેજ સ્થાપત્યોને આકર્ષક બનાવવા માટે વિશેષ લાઈટીંગ પ્રોજેક્ટ હાથ ધરવામાં આવ્યો છેગુજરાત સરકાર દ્વારા ઐતિહાસિક અને ધાર્મિક પર્યટન સ્થળોના વિકાસ માટે વિવિધ યોજનાઓ હાથ ધરવામાં આવી રહી છે. તે અંતર્ગત પાવાગઢ વિસ્તારમાં આવેલા હેરિટેજ સ્થાપત્યોને આકર્ષક બનાવવા માટે વિશેષ લાઈટીંગ પ્રોજેક્ટ હાથ ધરવામાં આવ્યો છે.
રાજ્ય સરકાર દ્વારા આ કામગીરી માટે અંદાજે રૂ. 1.80 લાખથી વધુનો ખર્ચ કરવામાં આવ્યો છે. આ પ્રોજેક્ટનો મુખ્ય હેતુ પાવાગઢ ખાતે આવેલા ઐતિહાસિક સ્મારકોને રાત્રિના સમયે વધુ આકર્ષક બનાવવાનો અને પર્યટકોને આકર્ષવાનો છે.
આ કામગીરી હેઠળ પાવાગઢના મહત્વના ઐતિહાસિક સ્મારકોમાં લાઈટીંગ લગાવવામાં આવી રહી છે. તેમાં ખાસ કરીને જામા મસ્જિદ અને સહર કી મસ્જિદ ખાતે લાઈટીંગનું કામ પૂર્ણ કરવામાં આવ્યું છે.આ ઉપરાંત પ્રાચીન ઐતિહાસિક મહત્વ ધરાવતા લકુલીશ મંદિર ખાતે કામગીરી હાથ ધરાઇ છે.
અમદાવાદના નરેન્દ્ર મોદી સ્ટેડિયમમાં રમાયેલી ICC મેન્સ T20 વર્લ્ડ કપ 2026ની ફાઈનલમાં ભારતે શાનદાર પ્રદર્શન કરતા ન્યૂઝીલેન્ડને 96 રનથી હરાવીને ઇતિહાસ રચી દીધો છે. આ જીત સાથે જ ભારતે પોતાનો ત્રીજો T20 વિશ્વ કપ ખિતાબ જીત્યો છે. મેચમાં પ્રથમ બેટિંગ કરતા ભારતે 255 રનનો વિશાળ સ્કોર બનાવ્યો હતો, જેના જવાબમાં કીવી ટીમ માત્ર 159 રન પર જ ઓલઆઉટ થઈ ગઈ હતી. ભારત તરફથી જસપ્રીત બુમરાહે માત્ર 15 રન આપીને 4 વિકેટ ઝડપી હતી અને ન્યૂઝીલેન્ડની બેટિંગ લાઇનઅપને વેરવિખેર કરી નાખી હતી.
મેદાન પરની આ ઐતિહાસિક જીત બાદ સોશિયલ મીડિયા પર પૂર્વ કેપ્ટન એમએસ ધોનીની એક પોસ્ટ અત્યારે જોરદાર વાઇરલ થઈ રહી છે. લાંબા સમય બાદ સોશિયલ મીડિયા પર એક્ટીવ થયેલા ધોનીએ ટીમ ઇન્ડિયાને અભિનંદન પાઠવતા હેડ કોચ ગૌતમ ગંભીર માટે ખાસ લખ્યું કે, ‘કોચ સાહેબ, તમારા ચહેરા પર સ્મિત ખૂબ જ સુંદર લાગે છે.’ ગંભીર સામાન્ય રીતે ગંભીર રહેવા માટે જાણીતા છે, ત્યારે ધોનીની આ રમૂજી ટિપ્પણીએ ફેન્સનું દિલ જીતી લીધું છે. ધોનીએ અમદાવાદમાં સર્જાયેલા આ ઇતિહાસને દેશ માટે ગૌરવની ક્ષણ ગણાવી હતી.
ધોનીએ પોતાની પોસ્ટમાં ચેમ્પિયન બોલર બુમરાહના પણ મુક્ત મને વખાણ કર્યા હતા. તેણે મજાકિયા અંદાજમાં લખ્યું કે, ‘બુમરાહ વિશે કંઈ ના લખું તો જ સારું છે… ચેમ્પિયન બોલર!’ ઉલ્લેખનીય છે કે ફાઈનલ મેચ દરમિયાન ધોની પોતે VVIP બોક્સમાં રોહિત શર્મા સાથે બેસીને ટીમનો ઉત્સાહ વધારતો જોવા મળ્યો હતો. ધોનીની આ પોસ્ટે એ તમામ અફવાઓ પર વિરામ મૂકી દીધો છે જે ગંભીર અને ધોની વચ્ચેના સંબંધોને લઈને અવારનવાર સોશિયલ મીડિયા પર ચાલતી હોય છે.
સુરતના ડીંડોલીમાં નવનિર્મિત આત્મીય સંસ્કારધામ સ્વામિનારાયણ મંદિરના બાથરૂમમાંથી બે યુવતીઓના મૃતદેહ મળી આવ્યા હતાં. આ બંને યુવતીઓએ એનેસ્થેસિયાના ઓવરડોઝની દવાના ઈન્જેક્શનો લઈને આપઘાત કર્યો હોવાનું જાણવા મળ્યું હતું.
સુરતના ડીંડોલીમાં નવનિર્મિત આત્મીય સંસ્કારધામ સ્વામિનારાયણ મંદિરના બાથરૂમમાંથી બે યુવતીઓના મૃતદેહ મળી આવ્યા હતાં. આ બંને યુવતીઓએ એનેસ્થેસિયાના ઓવરડોઝની દવાના ઈન્જેક્શનો લઈને આપઘાત કર્યો હોવાનું જાણવા મળ્યું હતું. પોલીસ તપાસમાં મૃતક વિદ્યાર્થિનીઓની ઓળખ 18 વર્ષીય રોશની શરદ શીરસાઠ અને 20 વર્ષીય જોસના ચૌધરી તરીકે થઈ છે.પોલીસ તપાસમાં આત્મહત્યા પાછળના ડિજિટલ પુરાવાઓ સામે આવ્યા છે.
આ કેસમાં પોલીસની તપાસમાં મોટો ખુલાસો સામે આવ્યો છે. બંને યુવતીઓને તેમના પ્રેમી સાથે બ્રેક અપ થયું હતું. બંને યુવતીઓ પોતપોતાના પ્રેમી સાથે પ્રેમ સંબંધમાં હતી. પંદર દિવસના સમયમાં બંનેનું બ્રેક અપ થયું હતું. જેના કારણે તેઓ ભાંગી પડી હતી. પોલીસે તપાસ દરમિયાન આપઘાત કરનારી યુવતીઓના મોબાઈલ ચેક કર્યા હતાં. જેમાં આ ખુલાસો થયો છે. માત્ર પંદર દિવસના આંતરે બંને યુવતીઓના બોયફ્રેન્ડ સાથે બ્રેક અપ થયા હતાં.
જૂના ટૂથબ્રશને ફેંકી દેવાને બદલે ઘરના અનેક નાના-મોટા કામોમાં ખૂબ સારી રીતે ઉપયોગમાં લઈ શકાય છે. જાણો ઉપયોગ કરવાની સરળ ટીપ્સ.ભારતીયો અને તેમની સ્વદેશી જુગાડ મોટાભાગે સફળ જાય છે. આપણા લોકોની ખાસિયત છે કે તેઓ એક વસ્તુનો અનેક રીતે ઉપયોગ કરે છે. કેટલીકવાર તો વસ્તુ નકામી થયા બાદ પણ તેનો અન્ય કાર્યોમાં ઉપયોગ કરીએ છીએ. આપણે વસ્તુઓનો ઉપયોગ ત્યાં સુધી કરતા રહીએ છીએ જ્યાં સુધી તે સંપૂર્ણપણે ખતમ ન થઈ જાય. ભારતીયોનો આ દેશી જુગાડ કરવાની રીત તેમના કેટલાક કામ સરળ બનાવે છે અને પૈસાની બચત પણ કરે છે.
આપણે પહેરવા માટે અને પછી સફાઈ માટે નવા કપડાં વાપરીએ છીએ. પરંતુ તે જૂના થઈ જાય તો તેનો પગલૂંછિયણા અથવા નેપકિન તરીકે ઉપયોગ કરીએ છીએ. જ્યારે ટૂથપેસ્ટ ખતમ થઈ જાય છે, ત્યારે આપણે તેને રોલ કરીએ છીએ અને તે સંપૂર્ણપણે ખતમ ન થઈ જાય ત્યાં સુધી તેનો ઉપયોગ કરીએ છીએ. આપણી માતાઓ અને દાદીમાઓ ઘણીવાર વિવિધ હેતુઓ માટે જૂના ટૂથબ્રશનો ઉપયોગ કરે છે. જૂના ટૂથબ્રશને ફેંકી દેવાને બદલે ઘરના અનેક નાના-મોટા કામોમાં ખૂબ સારી રીતે ઉપયોગમાં લઈ શકાય છે. જૂનું એટલું નકામું હોતું નથી, તેનો અનેક રીતે થઈ શકે છે ઉપયોગ.
જૂના ટૂથબ્રશને ફેંકી દેવાના બદલે તમે મિક્સરની બ્લેડની નીચે જામી ગયેલો કચરો કે કપલરના ખાંચા સાફ કરવા તેમજ ગેસના બર્નરના ઝીણા કાણાંમાં જામી ગયેલી મેંશ કે કચરો સાફ કરવા માટે ઉપયોગ કરી શકો છો. આદુ કે ચીઝ છીણ્યા પછી છીણીમાં ભરાઈ રહેલા રેશાને તમે નકામા ટૂથબ્રશની મદદથી સરળતાથી કાઢી શકો છો. ઘરમાં ટાઇલ્સ વચ્ચેની લાઈનો (Grout) માં જામી ગયેલી ચીકાશ કે ફૂગ સાફ કરવા માટે ટૂથબ્રશ પર થોડો ડિટર્જન્ટ લગાવી ઘસો. નળના સાંધા અને કિનારીઓ પર જામી ગયેલા સફેદ ડાઘ (ક્ષાર) સાફ કરવા માટે વિનેગર અને ટૂથબ્રશનો ઉપયોગ કરી શકાય.સ્લાઇડિંગ બારીની ચેનલમાં જામી ગયેલી ધૂળ કાઢવા માટે તે ખૂબ ઉપયોગી છે. આ રીતે જૂના ટૂથબ્રશનો ઉપયોગ કરી તમે પૈસાની બચત કરી શકો છો.
(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )
e-PAN Card Scam: ભારત સરકારે પ્રેસ ઇન્ફોર્મેશન બ્યુરો(PIB)ના નામે ફરતી એક નકલી ઈમેઇલ વિશે લોકોને ચેતવણી આપી છે. આ છેતરપિંડીવાળો ઈમેઇલ યુઝર્સને “e-PAN કાર્ડ” ડાઉનલોડ કરવા કહે છે. આ દ્વારા સ્કેમર્સ સંવેદનશીલ નાણાકીય માહિતી ચોરી કરવાની કોશિશ કરી રહ્યા છે જેને ફિશિંગ કહેવામાં આવે છે. સરકારે ખાતરી આપી છે કે આ ઈમેઇલ અસલી નથી અને લોકોને સાવચેત રહેવાની સલાહ આપી છે. જો કોઈ પણ વ્યક્તિ તેમાં ભેરવાયું તો તેની સાથે નાણાકીય છેતરપિંડી થવાની શક્યતા વધી જાય છે.
સરકારે એવા લોકોને ખાસ ચેતવણી આપી છે જેમને e-PAN કાર્ડ ડાઉનલોડ કરવા કહેતી ઈમેઇલ આવી રહી છે. સરકારે સ્પષ્ટ કર્યું છે કે આ ઈમેઇલ ખોટો છે અને આવા કોઈ સંદેશનો જવાબ ન આપવા પણ સલાહ આપવામાં આવી છે. ફિશિંગ ઈમેઇલનો કેવી રીતે રિપોર્ટ કરવો તેની માહિતી પણ સરકારે શેર કરી છે. આથી યુઝરે જો તેના પર ઈમેઇલ આવે તો તેના પર ક્લિક કરવાની જગ્યાએ સરકાર તરફથી આપવામાં આવેલા આદેશનું પાલન કરવાનું રહેશે.
આ નકલી ઈમેઇલ વિશ્વસનીય દેખાય તે માટે PIBના લોગોનો ઉપયોગ સ્કેમર્સ કરી રહ્યા છે. તેઓ યુઝર્સને ઈલેક્ટ્રોનિક PAN કાર્ડ ડાઉનલોડ કરવા માટે કહી રહ્યા છે, જે સાયબર ક્રિમિનલ દ્વારા વપરાતી સામાન્ય યુક્તિ છે. એના દ્વારા યુઝર્સ ખતરનાક લિંક પર ક્લિક કરે અથવા મેલવેર ધરાવતી ફાઇલ ડાઉનલોડ કરે તે માટે તેનો ઉપયોગ કરવામાં આવે છે. આ ઈમેઇલનો હેતુ યુઝર્સ પાસેથી વ્યક્તિગત અને નાણાકીય માહિતી ચોરવાનો હોય છે.
ઇન્કમ ટેક્સ વિભાગે ફરીથી જણાવ્યું છે કે તેઓ ક્યારેય ઈમેઇલ દ્વારા ગુપ્ત નાણાકીય માહિતી માંગતા નથી. આ સાથે જ ઇન્કમ ટેક્સ ડિપાર્ટમેન્ટ PIN નંબર, પાસવર્ડ અથવા ક્રેડિટ કાર્ડ, બૅંક અથવા અન્ય નાણાકીય ખાતાઓની ઍક્સેસ માટેની માહિતી પણ માંગતા ઈમેઇલ નથી મોકલતા. આ વિશે ઇન્કમ ટેક્સ ડિપાર્ટમેન્ટ કહે છે, ‘ઇન્કમ ટેક્સ વિભાગ દ્વારા કોઈ પણ દિવસ ઈમેઇલ દ્વારા વિગતવાર અથવા વ્યક્તિગત માહિતી માંગવામાં આવતી નથી. આથી કોઈ પણ યુઝર્સ એ છેતરપિંડીના ભોગ બનવાથી બચીને રહેવું.’
ફિશિંગ સાયબર છેતરપિંડીનો એક પ્રકાર છે જેમાં સ્કેમર્સ વિશ્વસનીય સંસ્થાઓ તરીકે પોતાને રજૂ કરીને યુઝરનેમ, પાસવર્ડ અને ક્રેડિટ કાર્ડ વિગતો જેવી સંવેદનશીલ માહિતી ચોરી કરે છે. આ હુમલાઓ સામાન્ય રીતે એવા ઈમેઇલ અથવા મેસેજ દ્વારા આવે છે જે કાયદેસર સંસ્થા તરફથી મોકલવામાં આવ્યા હોય એવા લાગે છે. ઘણી વખત યુઝર્સને નકલી વેબસાઇટ પર લઈ જવામાં આવે છે જે ઓફિશિયલ વેબસાઇટ જેવી દેખાય છે, જ્યાં તેઓ પાસેથી અંગત માહિતી દાખલ કરાવી લેવામાં આવે છે.
સરકારે એવા લોકોને સ્પષ્ટ સૂચનાઓ આપી છે જેમને ઇન્કમ ટેક્સ વિભાગના નામે અથવા ટેક્સ સંબંધિત વેબસાઇટ તરફ દોરી જતો શંકાસ્પદ ઈમેઇલ મળે. યુઝર્સને આવા ઈમેઇલનો જવાબ ન આપવા, એટેચમેન્ટ ન ખોલવા અને તેમાંની લિંક પર ક્લિક ન કરવા સલાહ આપવામાં આવી છે કારણ કે તેમાં મેલવેર હોઈ શકે છે. તેમ જ શંકાસ્પદ લિંક્સ બ્રાઉઝરમાં કોપી-પેસ્ટ કરવાનું પણ ટાળવું જોઈએ કારણ કે તે સાચી લાગતી હોવા છતાં નકલી વેબસાઇટ પર લઈ જઈ શકે છે.
સરકારે શંકાસ્પદ ટેક્સ સંબંધિત ઈમેઇલ મળતાં જ તેને તરત રિપોર્ટ કરવાની અપીલ કરી છે. જો કોઈ ઈમેઇલ ઇન્કમ ટેક્સ વિભાગ તરફથી આવેલું લાગે તો તેને webmanager@incometax.gov.in પર ફોરવર્ડ કરી શકાય છે. આ સાથે જ સરકારે incident@cert-in.org.in (રાષ્ટ્રીય સાયબર ઇન્સિડન્ટ રિસ્પોન્સ સેન્ટર) પર પણ તેની એક કોપી મોકલવાની વિનંતી કરી છે. ઈમેઇલ અથવા તેની ઇન્ટરનેટ હેડર માહિતી ફોરવર્ડ કર્યા પછી, યુઝર્સે તેને પોતાના ઇનબોક્સમાંથી ડિલીટ કરી દેવું જોઈએ.
વિશ્વમાં બદલાતા પ્રવાહની સાથે રીસર્ચ એન્ડ ડેવલોપમેન્ટ ક્ષેત્રે રાજ્યની યુનિવર્સિટીઓની ભૂમિકા અગત્યની છે. નવા બદલાવની સાથે આપણી યુનિવર્સિટીઓએ તાલ મિલાવવો પડશે. યુનિવર્સિટીઓ માત્ર શિક્ષણ કેન્દ્રો નહીં પરંતુ શોધ, નવીનતા અને ઉદ્યોગસાહસિકતાના સશક્ત કેન્દ્રો તર
વિશ્વમાં બદલાતા પ્રવાહની સાથે રીસર્ચ એન્ડ ડેવલોપમેન્ટ ક્ષેત્રે રાજ્યની યુનિવર્સિટીઓની ભૂમિકા અગત્યની છે. નવા બદલાવની સાથે આપણી યુનિવર્સિટીઓએ તાલ મિલાવવો પડશે. યુનિવર્સિટીઓ માત્ર શિક્ષણ કેન્દ્રો નહીં પરંતુ શોધ, નવીનતા અને ઉદ્યોગસાહસિકતાના સશક્ત કેન્દ્રો તરીકે વિકસવી જોઈએ. વૈજ્ઞાનિક ચેતના અને ટેકનોલોજીકલ નેતૃત્વનું સંવર્ધન વડાપ્રધાનના વિકસિત ગુજરાત અને વિકસિત ભારત @૨૦૪૭ના સપનાને સાકાર કરવામાં મહત્વપૂર્ણ ભૂમિકા ભજવશે તેમ સાયન્સ એન્ડ ટેકનોલોજી મંત્રી અર્જુન મોઢવાડિયાએ જણાવ્યું હતું.
રાજ્યમાં વિજ્ઞાન, ટેકનોલોજી અને નવીનતા ઇકોસિસ્ટમને વધુ મજબૂત બનાવવા અંગેની વ્યૂહરચના માટે આજે ગાંધીનગર ખાતે રાજ્યમાં પ્રથમવાર એક દિવસીય વાઈસ ચાન્સેલર મીટ યોજાઈ હતી.મંત્રી મોઢવાડિયાએ જણાવ્યું હતું કે,તત્કાલીન મુખ્યમંત્રી અને હાલના વડાપ્રધાન મોદીના નેતૃત્વમાં ગુજરાતમાં વર્ષ ૨૦૦૩માં સૌ પ્રથમ સાયન્સ એન્ડ ટેકનોલોજી વિભાગની રચના કરવામાં આવી હતી. જેના પરિણામે આજે આ વિભાગ અંતર્ગત સાયન્સ એન્ડ ટેકનોલોજી ક્ષેત્રે અનેકવિધ નવા સંશોધનો હાથ ધરવામાં આવી રહ્યા છે. યુનિવર્સિટી આ ક્ષેત્રે રાજ્યના ટેલેન્ટ યુવાધનને સમયને અનુરૂપ તાલીમ આપી સજ્જ કરે તે જરૂરી છે.
રાજ્ય સરકાર દ્વારા આગામી વર્ષના બેજટમાં શિક્ષણ ક્ષેત્રે સૌથી વધુ રૂ.૬૨ હજાર કરોડનું બજેટ ફાળવીને શિક્ષણને નવી દિશા આપવાનો સંકલ્પ કર્યો છે. નાણાના અભાવે કોઇપણ સંશોધન કાર્ય અટકે નહીં તે માટે રાજ્ય સરકાર પ્રયત્નશીલ છે.મંત્રીએ કહ્યું હતું કે, રાજ્યમાં ચાલતા આર્ટસ,કોમર્સ અને સાયન્સ સહિત તમામ ફેકલ્ટીમાં વર્તમાન ટેકનોલોજી, કોમ્પ્યુટર અને AI આધારિત અભ્યાસક્રમ હોવો જોઈએ જેથી આવનાર પેઢી આ વિષયથી માહિતગાર થઇ શકે.શિક્ષણ ક્ષેત્રે આ બદલાવ કરવાથી રોજગારીની તકોમાં પણ વધારો થશે. યુનિવર્સિટીઓને રાજ્યની વિવિધ નીતિઓ સાથે જોડાઈને સમાજ, ઉદ્યોગ અને ટકાઉ વિકાસ માટે જ્ઞાનને ઉપયોગી ઉકેલમાં રૂપાંતરિત કરવા પ્રોત્સાહિત કરવા મંત્રીએ સૌને ઉત્સાહિત કર્યા.વિશ્વમાં બદલાતા પ્રવાહની સાથે રીસર્ચ એન્ડ ડેવલોપમેન્ટ ક્ષેત્રે રાજ્યની યુનિવર્સિટીઓની ભૂમિકા અગત્યની છે. નવા બદલાવની સાથે આપણી યુનિવર્સિટીઓએ તાલ મિલાવવો પડશે. યુનિવર્સિટીઓ માત્ર શિક્ષણ કેન્દ્રો નહીં પરંતુ શોધ, નવીનતા અને ઉદ્યોગસાહસિકતાના સશક્ત કેન્દ્રો તર
વિશ્વમાં બદલાતા પ્રવાહની સાથે રીસર્ચ એન્ડ ડેવલોપમેન્ટ ક્ષેત્રે રાજ્યની યુનિવર્સિટીઓની ભૂમિકા અગત્યની છે. નવા બદલાવની સાથે આપણી યુનિવર્સિટીઓએ તાલ મિલાવવો પડશે. યુનિવર્સિટીઓ માત્ર શિક્ષણ કેન્દ્રો નહીં પરંતુ શોધ, નવીનતા અને ઉદ્યોગસાહસિકતાના સશક્ત કેન્દ્રો તરીકે વિકસવી જોઈએ. વૈજ્ઞાનિક ચેતના અને ટેકનોલોજીકલ નેતૃત્વનું સંવર્ધન વડાપ્રધાનના વિકસિત ગુજરાત અને વિકસિત ભારત @૨૦૪૭ના સપનાને સાકાર કરવામાં મહત્વપૂર્ણ ભૂમિકા ભજવશે તેમ સાયન્સ એન્ડ ટેકનોલોજી મંત્રી અર્જુન મોઢવાડિયાએ જણાવ્યું હતું.
રાજ્યમાં વિજ્ઞાન, ટેકનોલોજી અને નવીનતા ઇકોસિસ્ટમને વધુ મજબૂત બનાવવા અંગેની વ્યૂહરચના માટે આજે ગાંધીનગર ખાતે રાજ્યમાં પ્રથમવાર એક દિવસીય વાઈસ ચાન્સેલર મીટ યોજાઈ હતી.મંત્રી મોઢવાડિયાએ જણાવ્યું હતું કે,તત્કાલીન મુખ્યમંત્રી અને હાલના વડાપ્રધાન મોદીના નેતૃત્વમાં ગુજરાતમાં વર્ષ ૨૦૦૩માં સૌ પ્રથમ સાયન્સ એન્ડ ટેકનોલોજી વિભાગની રચના કરવામાં આવી હતી. જેના પરિણામે આજે આ વિભાગ અંતર્ગત સાયન્સ એન્ડ ટેકનોલોજી ક્ષેત્રે અનેકવિધ નવા સંશોધનો હાથ ધરવામાં આવી રહ્યા છે. યુનિવર્સિટી આ ક્ષેત્રે રાજ્યના ટેલેન્ટ યુવાધનને સમયને અનુરૂપ તાલીમ આપી સજ્જ કરે તે જરૂરી છે.
રાજ્ય સરકાર દ્વારા આગામી વર્ષના બેજટમાં શિક્ષણ ક્ષેત્રે સૌથી વધુ રૂ.૬૨ હજાર કરોડનું બજેટ ફાળવીને શિક્ષણને નવી દિશા આપવાનો સંકલ્પ કર્યો છે. નાણાના અભાવે કોઇપણ સંશોધન કાર્ય અટકે નહીં તે માટે રાજ્ય સરકાર પ્રયત્નશીલ છે.મંત્રીએ કહ્યું હતું કે, રાજ્યમાં ચાલતા આર્ટસ,કોમર્સ અને સાયન્સ સહિત તમામ ફેકલ્ટીમાં વર્તમાન ટેકનોલોજી, કોમ્પ્યુટર અને AI આધારિત અભ્યાસક્રમ હોવો જોઈએ જેથી આવનાર પેઢી આ વિષયથી માહિતગાર થઇ શકે.શિક્ષણ ક્ષેત્રે આ બદલાવ કરવાથી રોજગારીની તકોમાં પણ વધારો થશે. યુનિવર્સિટીઓને રાજ્યની વિવિધ નીતિઓ સાથે જોડાઈને સમાજ, ઉદ્યોગ અને ટકાઉ વિકાસ માટે જ્ઞાનને ઉપયોગી ઉકેલમાં રૂપાંતરિત કરવા પ્રોત્સાહિત કરવા મંત્રીએ સૌને ઉત્સાહિત કર્યા.
સાબરકાંઠા જિલ્લાના વડાલી પોલીસ મથક વિસ્તારમાં એક સગીરાના અપહરણ અને ત્યારબાદ તેની પર ગુજારવામાં આવેલા દુષ્કર્મની ગંભીર ઘટના સામે આવતા સમગ્ર પંથકમાં ખળભળાટ મચી ગયો છે. પોલીસે આ મામલે ત્વરિત કાર્યવાહી કરી ટેકનિકલ સર્વેલન્સની મદદથી આરોપીને રાજસ્થાનના શિવગંજ ખાતેથી ઝડપી પાડ્યો છે.
મળતી માહિતી મુજબ, ઈડર તાલુકાના રાવોલ ગામના એક શખ્સે સગીરાને પ્રેમજાળમાં ફસાવી અને લગ્નની લાલચ આપી તેનું અપહરણ કર્યું હતું. સગીરા અચાનક ગુમ થતા પરિવારજનો ચિંતામાં મુકાયા હતા અને તેમણે આ અંગે વડાલી પોલીસ મથકે પોતાની દીકરી ગુમ થઈ હોવાની ફરિયાદ નોંધાવી હતી.પોલીસ તપાસમાં બહાર આવ્યું છે કે, અપહરણ કર્યા બાદ આરોપી સગીરાને અલગ-અલગ સ્થળોએ ફેરવતો રહ્યો હતો. આ સમય દરમિયાન તેણે સગીરાની મરજી વિરુદ્ધ તેની સાથે અનેકવાર દુષ્કર્મ આચર્યું હોવાનું પણ સામે આવ્યું છે. આ ઘટનાને પગલે સગીરાની માનસિક અને શારીરિક સ્થિતિ કથળી હતી.
વડાલી પોલીસે ઘટનાની ગંભીરતાને સમજી તુરંત જ વિવિધ ટીમો બનાવી તપાસ તેજ કરી હતી. મોબાઈલ લોકેશન અને સર્વેલન્સની મદદથી પોલીસને જાણ થઈ હતી કે આરોપી સગીરાને લઈને રાજસ્થાન નાસી ગયો છે. જે બાદ પોલીસે ઓપરેશન પાર પાડી રાજસ્થાનના શિવગંજમાંથી આરોપીને દબોચી લીધો હતો અને સગીરાને મુક્ત કરાવી હતી.
વડાલી પોલીસે આરોપી વિરુદ્ધ અપહરણ, બળાત્કાર, પોક્સો (POCSO) એક્ટ જેવી ગંભીર કલમો હેઠળ ગુનો નોંધી તેની અટકાયત કરી છે. હાલમાં આરોપીની મેડિકલ તપાસ સહિતની કાયદેસરની પ્રક્રિયા હાથ ધરવામાં આવી છે. સગીરા સાથે બનેલી આ ઘટનાને પગલે સ્થાનિકોમાં રોષ જોવા મળી રહ્યો છે અને આરોપીને કડકમાં કડક સજા થાય તેવી માંગ ઉઠી છે.
ઉનાળાની શરૂઆત સાથે જ છોટા ઉદેપુર જિલ્લાના નસવાડી તાલુકામાં પાણી માટે પોકાર શરૂ થયો છે. તાલુકાના 100થી વધુ ગામોમાં કોતરો અને નદીઓ પર બનાવવામાં આવેલા ચેકડેમો જાળવણીના અભાવે ભાંગીને ભુક્કા થઈ ગયા છે. છેલ્લા એક દાયકાથી રિપેરિંગની કામગીરી ન થતા વરસાદી પાણી સંગ્રહવાને બદલે વહી જાય છે, જેના કારણે ભૂગર્ભ જળસ્તર સતત ઊંડા જઈ રહ્યાં છે.
નસવાડી તાલુકામાંથી અશ્વિન અને મેણ જેવી બે મોટી નદીઓ આશરે 70 કિલોમીટરના વિસ્તારમાંથી પસાર થાય છે. આ નદીઓ અને તેમાં ભળતા કોતરો પરના ચેકડેમો છેલ્લા 10 વર્ષથી રિપેરિંગની રાહ જોઈ રહ્યા છે. સરકાર દ્વારા નવી કોઈ યોજના અમલમાં ન મૂકાતા જૂના ચેકડેમો જર્જરિત થઈ ગયા છે. ખુશાલપુરા ગામ પાસે મેણ નદી પર આવેલો 100 મીટર લાંબો ચેકડેમ માટીથી ભરાઈ ગયો છે. પરિણામે, 10 કિલોમીટરના વિસ્તારમાં જે પાણી રોકાવું જોઈએ તે વહી જાય છે અને આસપાસના ગામો તરસ્યા રહે છે.
સ્થાનિકોમાં ભારે રોષ જોવા મળી રહ્યો છે કારણ કે એક તરફ જળ સંકટ ઘેરો બની રહ્યો છે અને બીજી તરફ તંત્ર સુષુપ્ત અવસ્થામાં છે. સિંચાઈ વિભાગના ઈજનેરોને સરકાર લાખો રૂપિયાનો પગાર ચૂકવે છે, પરંતુ નસવાડી તાલુકામાં નવા ચેકડેમો બનાવવામાં કે જૂના રિપેર કરવામાં કોઈ કામગીરી દેખાતી નથી. જિલ્લા પંચાયત અને તાલુકા મથકે બેસતા ઈજનેરો પાસે કોઈ નક્કર કામગીરી ન હોવાના આક્ષેપો થઈ રહ્યા છે. જો આ મામલે યોગ્ય સર્વે કરવામાં આવે તો સરકારી નાણાંનો વ્યય થતો હોવાનું સ્પષ્ટ જણાય છે.
જળ સ્તર સતત ઊંડા જતા પશુ-પક્ષીઓ અને ખેતી માટે પાણી મળવું મુશ્કેલ બન્યું છે. ગ્રામીણ જનતાની માંગ છે કે ચોમાસા પહેલા તમામ ચેકડેમોનું રિપેરિંગ અને માટી કાઢવાની કામગીરી કરવામાં આવે જેથી આગામી વર્ષે પાણીની સમસ્યાનો સામે ન કરવો પડે.
વર્તમાન સમયમાં વધતી જતી મોંઘવારી વચ્ચે સામાન્ય માણસ માટે ઘર બનાવવું એક સપનું બની ગયું છે, પરંતુ NTPC(નેશનલ થર્મલ પાવર કોર્પોરેશન) દ્વારા રજૂ કરવામાં આવેલી નવી ટૅક્નોલૉજી આ સ્થિતિમાં મોટો બદલાવ લાવી શકે છે. NTPC એ કોલસાની રાખ એટલે કે ‘ફ્લાય એશ’માંથી બનાવેલા ખાસ ઇકો-ફ્રેન્ડલી ઘરનું સફળ પ્રદર્શન કર્યું છે. ‘સુખ'(Sukh) નામનું આ આધુનિક આવાસ માત્ર 1.5 લાખના બજેટમાં તૈયાર કરી શકાય છે. ખાસ વાત એ છે કે, આ ઘરના નિર્માણમાં પરંપરાગત ઈંટ, રેતી કે સિમેન્ટના સ્થાને 80% જેટલી ફ્લાય એશ વાપરવામાં આવી છે, જે પર્યાવરણની જાળવણીમાં પણ મહત્ત્વનું યોગદાન આપે છે.
ફ્લાય એશ એ વાસ્તવમાં પાવર પ્લાન્ટમાં કોલસો સળગાવવાથી નીકળતી રાખ છે. અત્યાર સુધી તેને કચરો માનવામાં આવતી હતી, પરંતુ હવે તેમાં ચૂનો અને જીપ્સમ ભેળવીને અત્યંત મજબૂત બ્લોક્સ તૈયાર કરવામાં આવ્યા છે. આ ટૅક્નોલૉજીમાં ‘પ્રી-ફેબ્રિકેટેડ’ પદ્ધતિનો ઉપયોગ થાય છે, જેમાં ઘરના ભાગોને પઝલની જેમ એકબીજા સાથે જોડી દેવામાં આવે છે. આ પદ્ધતિથી જે ઘર બનાવતા મહિનાઓ લાગતા હતા, તે હવે માત્ર 15થી 20 દિવસમાં તૈયાર થઈ જાય છે. આ કારણે મજૂરી ખર્ચમાં પણ મોટી બચત થાય છે.
મજબૂતીની વાત કરીએ તો, રાખમાંથી બનેલા આ ઘર પર ભૂકંપ કે ખરાબ હવામાનની કોઈ ખાસ અસર થતી નથી. સામાન્ય લાલ ઈંટની સરખામણીએ ફ્લાય એશના બ્લોક્સ હલકા અને અગ્નિરોધક હોય છે, જે આગ સામે વધુ રક્ષણ આપે છે. આ ઉપરાંત, તેમાં ભેજ લાગવાની કે દિવાલ પર પોપડા ઉખડવાની સમસ્યા પણ નહિવત રહે છે. આ ટૅક્નોલૉજી ખાસ કરીને ગ્રામીણ વિસ્તારો અને ‘પ્રધાનમંત્રી આવાસ યોજના’ માટે ગેમ-ચેન્જર સાબિત થઈ શકે તેમ છે, કારણ કે તે કુદરતી સંસાધનોની બચત કરવાની સાથે સામાન્ય લોકોને સસ્તું અને સુરક્ષિત ઘર પૂરું પાડે છે.
સાબરકાંઠાના હિંમતનગરમાં લગ્નવાંછુક યુવાનોને નિશાન બનાવતી એક ખતરનાક ‘લૂંટેરી દુલ્હન’ ગેંગનો પોલીસે પર્દાફાશ કર્યો છે. મેરેજ બ્યુરોની આડમાં ચાલતા આ કૌભાંડમાં પોલીસે કુલ નવ આરોપીઓ પૈકી બે મહિલા સહિત 4ની ધરપકડ કરી છે, જ્યારે અન્ય 5ની શોધખોળ હાથ ધરી છે.
મળતી માહિતી અનુસાર, હિંમતનગરના કાંકણોલ રોડ પર આવેલી અર્બુદાનગર સોસાયટીમાં મનોજ સોની અને તેની પત્ની કવિતા સોની ‘દિવ્ય શક્તિ મેરેજ બ્યુરો’ ચલાવતા હતા. આ ટોળકીની મોડસ ઓપરેન્ડી અત્યંત ચોંકાવનારી હતી. લગ્ન માટે ઉત્સુક યુવકો પાસેથી લાખો રૂપિયા પડાવી આ ટોળકી યુવતીઓ સાથે બોગસ લગ્ન કરાવતી હતી. લગ્નના ચાર-પાંચ દિવસ બાદ યુવતીઓ કોઈને કોઈ બહાના હેઠળ ભાગી જતી અથવા તો યુવક અને તેના પરિવારને ખોટા કેસોમાં ફસાવી દેવાની ધમકી આપી છૂટાછેડા માટે દબાણ કરતી હતી. એકવાર છૂટાછેડા થઈ જાય એટલે એ જ યુવતીને અન્ય યુવક પાસે મોકલી ફરી લાખો રૂપિયા ખંખેરવામાં આવતા હતા.
હિંમતનગરના એક ભોગ બનેલા યુવકે હિંમતનગર બી-ડિવિઝન પોલીસ મથકમાં ફરિયાદ નોંધાવતા આ આખા કૌભાંડનો પર્દાફાશ થયો છે. પોલીસે મુખ્ય સૂત્રધાર દંપતી મનોજ સોની અને કવિતા સોની સહિત 4 શખસોને દબોચી લીધા છે. પોલીસ હવે એ તપાસ કરી રહી છે કે આ ટોળકીએ હિંમતનગર સિવાય અન્ય કયા શહેરોમાં કેટલા યુવકોને પોતાનો શિકાર બનાવ્યા છે. હાલમાં ફરાર અન્ય 4 મહિલા આરોપીઓને પકડવા ચક્ર ગતિમાન કરાયા છે.
