ઉર્વશી ધોળકિયાએ મુંબઈના જુહુ વિસ્તારમાં મોડી રાત સુધી ચાલી રહેલા બાંધકામ પર નારાજગી વ્યક્ત કરી. તેણે અસિત કુમાર મોદીને પણ પૂછપરછ કરી અને વહીવટ વિશે ખુલીને વાત કરી.

ટીવી એક્ટ્રેસ ઉર્વશી ધોળકિયાએ એક સમસ્યા અંગે પોતાનો અવાજ ઉઠાવ્યો છે. મુંબઈના જુહુમાં તેણે મોડી રાત સુધી ચાલતા બાંધકામને મિડનાઈટ હોરર એટલે કે અડધી રાતનો ડરામણો અનુભવ ગણાવ્યો છે, જેનાથી ત્યાં રહેતા લોકો ખૂબ પરેશાન છે. સાથે જ તારક મહેતા કા ઉલ્ટા ચશ્માના અસિત મોદીને ખુલ્લેઆમ ચેતવણી આપી છે.

ઉર્વશીએ સોશિયલ મીડિયા પર નારાજગી વ્યક્ત કરતા જણાવ્યું કે અસિત કુમાર મોદી સાથે જોડાયેલી એક પ્રોપર્ટી પર મોડી રાત સુધી બાંધકામ ચાલી રહ્યું છે. તેનો આરોપ છે કે પરવાનગી વગર રસ્તો બંધ કરી દેવામાં આવ્યો છે અને આના પર કોઈ અધિકારી કાર્યવાહી કરવા આવ્યા નથી. આ કામને કારણે ત્યાં રહેનારા લોકોનું જીવન મુશ્કેલ બની ગયું છે. જો કામ નહીં અટકે? જેવી વાત છે, તો હવે તે પણ પોતાનો અવાજ ઉઠાવવાનું બંધ નહીં કરે.

આ સિવાય ઉર્વશીએ જણાવ્યું કે ઘણા દિવસોથી સતત રાત્રિના સમયે ભારે મશીનોનો અવાજ, ડ્રિલિંગ અને ટ્રકોના અવાજથી લોકોનું જીવવું મુશ્કેલ બની ગયું છે. ખાસ કરીને વૃદ્ધો, બાળકો અને કામકાજ કરતા લોકોને સૌથી વધુ તકલીફ પડી રહી છે, કારણ કે તેમની ઊંઘ પૂરી થઈ શકતી નથી. તેણે નિયમોનો હવાલો આપતા કહ્યું કે રહેણાંક વિસ્તારોમાં બાંધકામ માટે નક્કી કરેલો સમય હોય છે, પરંતુ અહીં તેની અવગણના કરવામાં આવી રહી છે. એટલું જ નહીં, તેણે પોલીસને ફોન પણ કર્યો. પરંતુ સવારે લગભગ 4:23 વાગ્યાથી લઈને 5 વાગ્યા સુધી ઘણી વખત કોલ કરવા છતાં કોઈ મદદ મળી નહોતી, જે સિસ્ટમ પર મોટો સવાલ ઊભો કરે છે.

આ સમગ્ર મામલાએ ફરી એકવાર શહેરમાં કાયદો અને વ્યવસ્થા તથા લોકોની સુવિધાઓને લઈને ચર્ચા છેડી દીધી છે. ઉર્વશીએ પ્રશાસનને અપીલ કરી છે કે આવા મામલાઓમાં કડક પગલાં લેવામાં આવે, જેથી લોકોને શાંતિથી રહેવાનો અધિકાર મળી શકે. જે સાઈડ આ કામ ચાલી રહ્યું છે એવું કહેવામાં આવી રહ્યું છે કે તે પ્રોપટી ટીવી સિરિયલ તારક મહેતા કા ઉલ્ટા ચશ્માના પ્રોડ્યુસર અસિત કુમાર મોદીની છે તેથી તેનું નામ આ વિવાદ સાથે જોડાય ગયું અને બાદ મામલો વધુ ચર્ચામાં આવ્યો છે. હવે જોવાનું એ રહેશે કે આ મુદ્દે પ્રશાસન શું પગલાં લે છે.

આશિકી ફેમ રાહુલ રોયનો નવો લુક ખૂબ જ ચર્ચામાં છે. સોશિયલ મીડિયા પર એક વીડિયો વાયરલ થયો છે જેમાં અભિનેતા મુંબઈના વર્સોવામાં સુટકેસ પકડીને દેખાય છે.

આશિકી બોલીવુડની એ ફિલ્મ છે, જેની કાસ્ટ, રોમેન્ટિક સ્ટોરીથી લઈને ગીતો સુધી બધું જ ખૂબ જ ખાસ છે. તેના દરેક પાત્રને લોકો તરફથી ઘણો પ્રેમ મળ્યો છે, જેમને લોકો આજે પણ ભૂલી શક્યા નથી. તેના પ્રખ્યાત ગીતો આજે પણ દરેકના પ્લેલિસ્ટમાં સામેલ છે. 1990માં રિલીઝ થયેલી આ ફિલ્મે મુખ્ય કલાકારોને રાતોરાત સ્ટાર બનાવી દીધા હતા. તેની સમગ્ર સ્ટાર કાસ્ટ 36 વર્ષ પછી સંપૂર્ણપણે બદલાઈ ગઈ છે. દરમિયાન, ફિલ્મના મુખ્ય અભિનેતા રાહુલ રોયનો એક વીડિયો સામે આવ્યો છે, જેમાં તે હાથમાં સૂટકેસ પકડીને મુંબઈના વર્સોવામાં જોવા મળ્યો હતો. તેના ફેન્સ માટે પણ તેને એક નજરમાં ઓળખવો મુશ્કેલ હતો.

રાહુલ રોયને વર્સોવામાંથી પસાર થતા જોવામાં આવ્યો હતો. તેની પાસે એક બેકપેક અને ભારે સામાન હતો. 90ના દાયકાના આ અભિનેતાનો લુક 36 વર્ષમાં સંપૂર્ણપણે બદલાઈ ગયો છે. વાયરલ વીડિયોમાં અભિનેતા ક્રીમ કલરની ટી-શર્ટ અને ડેનિમ જીન્સ પહેરેલો જોવા મળ્યો હતો. લાંબા વાળ અને ચશ્મા પહેરેલો અભિનેતા પોતાની મસ્તીમાં જોવા મળી રહ્યો છે. તેનો આ ફેરફાર જોઈને કેટલાક લોકો તેને એક નજરમાં ઓળખી પણ શક્યા નહીં.

રાહુલ રોયે 1990ની બ્લોકબસ્ટર ફિલ્મ ‘આશિકી’માં મુખ્ય ભૂમિકા ભજવી હતી. મહેશ ભટ્ટ દ્વારા નિર્દેશિત આ મ્યુઝિકલ રોમેન્ટિક ડ્રામામાં રાહુલ અને અનુની વાર્તા બતાવવામાં આવી છે. આ ફિલ્મથી રાહુલ રોય અને અનુ અગ્રવાલને જબરદસ્ત નામ અને ખ્યાતિ મળી. જોકે, આજે ભલે તે કોઈ ફિલ્મમાં જોવા મળતો નથી, પરંતુ એક સમય હતો જ્યારે તે બોલીવુડના ટોપ સ્ટાર્સમાં સામેલ હતો. આમાં રાહુલ રોય ઉપરાંત અનુ અગ્રવાલ, દીપક તિજોરી, અવતાર ગિલ, ટોમ ઓલ્ટર, રીમા લાગુ, હોમી વાડિયા, મુશ્તાક ખાન અને જાવેદ ખાન પણ મહત્વના પાત્રોમાં જોવા મળ્યા હતા.

આ ફિલ્મનું નિર્માણ ગુલશન કુમારે T-Series Filmsના બેનર હેઠળ કર્યું હતું, જ્યારે તેની પટકથા રોબિન ભટ્ટ અને આકાશ ખુરાનાએ લખી હતી. 2 કલાક 32 મિનિટની આ ફિલ્મને IMDb પર 6.3 રેટિંગ મળ્યું હતું. માત્ર 30 લાખના બજેટમાં બનેલી આ ફિલ્મે લગભગ 5 કરોડનો બિઝનેસ કર્યો હતો.