આમિર ખાનના પુત્ર જુનૈદ ખાન માટે વર્ષ 2026 ખૂબ જ મહત્વનું સાબિત થવા જઈ રહ્યું છે. જુનૈદ ખાનની આગામી ફિલ્મ ‘એક દિન’નું પોસ્ટર રિલીઝ થઈ ગયું છે. ફિલ્મના પોસ્ટરે લોકોનું ધ્યાન ખેંચ્યું છે કારણ કે તેમાં સાઉથની ફેમસ અભિનેત્રી સાઈ પલ્લવી બોલિવૂડમાં ડેબ્યૂ કરી રહી છે. જો કે જુનૈદની આ ત્રીજી ફિલ્મ છે. આમિર ખાનના પ્રોડક્શન દ્વારા સમર્થિત આ રોમેન્ટિક ડ્રામા ફિલ્મ એક એવી વાર્તા રજૂ કરે છે જ્યાં પ્રેમ ફક્ત એક જ બાજુ હોય છે.

વર્ષ 2025 માં જૂનૈદ ખાનની ફિલ્મ “લવયાપા” બોક્સ ઓફિસ પર નિષ્ફળ રહ્યા બાદ, હવે તે ફરી એકવાર મોટા પડદા પર નસીબ અજમાવવા તૈયાર છે. આમિર ખાન પ્રોડક્શન્સના બેનર હેઠળ બનેલી ફિલ્મ “એક દિન” નું નવું પોસ્ટર રિલીઝ કરવામાં આવ્યું છે, જેની સાથે ફિલ્મની રિલીઝ ડેટ અને ટ્રેલર અંગેની મહત્વની વિગતો પણ સામે આવી છે. નિર્માતાઓએ સોશિયલ મીડિયા પર પોસ્ટર શેર કરતા કેપ્શનમાં લખ્યું છે કે, “પ્યાર મેં બસ એક મૌકા ચાહિયે.” આ સાથે જ ફિલ્મના ટ્રેલર લોન્ચ અને તેની રિલીઝને પણ સત્તાવાર જાહેરાત કરી.

મીડિયા અહેવાલ મુજબ જૂનૈદ ખાનની ફિલ્મ ‘એક દિન’નું 11 માર્ચ, 2006ના રોજ ટ્રેલર લોન્ચ કરવામાં આવશે. જયારે 1 મે, 2026ના દિવસે આ ફિલ્મ સિનેમાઘરમાં રિલીઝ થશે તેવી નિર્માતા દ્વારા સત્તાવાર જાહેરાત કરવામાં આવી. દક્ષિણ ભારતની જાણીતી અભિનેત્રી સાઈ પલ્લવી આ ફિલ્મ દ્વારા હિન્દી સિનેમામાં પદાર્પણ કરતી હોવાથી આ ફિલ્મ વધુ ચર્ચામાં છે. તેમજ આમિર ખાન અને મન્સૂર ખાન ઘણા લાંબા સમય પછી આ પ્રોજેક્ટ માટે સાથે આવ્યા છે. નવોદિત જુનૈદ સાથે સાઈની જોડી પડદા પર ચાહકો માટે નવો અનુભવ હશે.

“એક દિન” ની વાર્તા વર્ષ 2016 માં આવેલી લોકપ્રિય થાઈ ફિલ્મ “વન ડે” પર આધારિત છે, જેને સ્નેહા દેસાઈ અને સ્પંદન મિશ્રાએ ભારતીય પરિપ્રેક્ષ્યમાં ઢાળી છે. ફિલ્મનું સંગીત રામ સંપથે તૈયાર કર્યું છે, જ્યારે હૃદયસ્પર્શી ગીતો ઇર્શાદ કામિલ દ્વારા લખવામાં આવ્યા છે. સુનીલ પાંડે દ્વારા નિર્દેશિત આ રોમેન્ટિક ડ્રામા પાસે આમિર ખાનને ઘણી અપેક્ષાઓ છે, કારણ કે જુનૈદની છેલ્લી થિયેટર રિલીઝ બોક્સ ઓફિસ પર ખાસ કમાલ કરી શકી નહોતી.

રૂપાલી ગાંગુલીનો શો અનુપમા વધુ એક છલાંગ લગાવી રહ્યો છે. આ છલાંગ પછી, શોની સ્ટોરી સંપૂર્ણપણે બદલાઈ ગઈ છે. અનુપમા હવે ગોવા ગઈ છે, જ્યાં તેના જીવનમાં એક નવા પુરુષનો પ્રવેશ થયો છે.

અનુપમા સ્ટાર પ્લસના સૌથી પ્રિય શોમાંનો એક છે, જે દર્શકોને તેની ભાવનાત્મક સ્ટોરી, પરિચિત પાત્રો અને સતત વળાંકોથી મોહિત રાખે છે. વર્ષોથી, આ શોએ માત્ર દર્શકોનું મનોરંજન જ નથી કર્યું પરંતુ અસંખ્ય સામાજિક મુદ્દાઓને પણ સ્પર્શ્યા છે, જે તેને આકર્ષક અને અર્થપૂર્ણ બનાવે છે. દરેક નવા વળાંક સાથે, મેકર્સ કંઈક નવું લાવે છે જેની દર્શકો આતુરતાથી રાહ જુએ છે, અને હવે નવા પ્રોમોએ ફરી એકવાર ફેન્સમાં ઉત્સાહ જગાવ્યો છે.

મેકર્સ હવે શો માટે એક નવો પ્રોમો રિલીઝ કર્યો છે જેમાં એક નાનો ટાઈમ લીપ દર્શાવવામાં આવ્યો છે. પ્રોમો દર્શાવે છે કે અનુપમા હવે ગોવા સ્થળાંતરિત થઈ ગઈ છે અને ત્યાં તેના જીવનનો એક નવી શરૂઆત કરી છે. પ્રોમોની શરૂઆત અનુપમાના દરિયા કિનારે સાયકલ ચલાવવાથી થાય છે, જેમાં એક નાની છોકરી તેની પાછળ બેઠી હોય છે. છોકરી અનુપમાને ઝડપથી સાયકલ ચલાવવાનું કહે છે.

થોડી જ વારમાં અનુપમા દરિયા કિનારે આવેલી ઘણી નાની દુકાનો વચ્ચે પોતાનો ફૂડ સ્ટોલ ક્યાં મૂકવો તે વિચારતી બતાવવામાં આવે છે. આસપાસ શોધ કર્યા પછી, તેને મોજાઓ પાસે એક જગ્યા મળે છે અને તે ત્યાં પોતાનો સ્ટોલ લગાવવાનું નક્કી કરે છે. ત્યારબાદ તે નાસ્તો વેચતી અને લોકોને પોતાનો ખોરાક અજમાવવા માટે આમંત્રિત કરતી જોવા મળે છે. જોકે ત્યાંથી પસાર થતા એક કપલ પૂછે છે કે ગોવાના બીચ પર કોઈ ઢોકળા કેમ ખાવા માંગશે, જેના કારણે અનુપમા મૂંઝવણમાં મુકાઈ જાય છે. પછી પ્રોમો એક રસપ્રદ વળાંક લે છે. સચિન ત્યાગી, જે શોમાં પ્રવેશ્યો છે, તે નજીકના દરિયા કિનારે બેઠો જોવા મળે છે. મોજા નજીક આવતાની સાથે જ તે ત્રણ, બે, એક ગણવાનું શરૂ કરે છે અને અચાનક એક જોરદાર મોજું આવે છે, જેના કારણે અનુપમા પોતાનું સંતુલન ગુમાવે છે અને તેનો સ્ટોલ પડી જાય છે.

જ્યારે અનુપમા ઉભા થવાનો પ્રયાસ કરે છે, ત્યારે સચિન ત્યાગી તેની પાસે આવે છે અને મદદનો હાથ આપે છે. પરંતુ તેને ઉપર ખેંચવાને બદલે, તે તેને એક નાનો કાગળ આપે છે અને ચાલ્યો જાય છે. જ્યારે અનુપમા કાગળ ખોલે છે, ત્યારે તેમાં એક પ્રેરક વાક્ય હોય છે. તેને જતા જોઈને, અનુપમા વિચારમાં પડી જાય છે. આ પ્રોમો દર્શકોના મનમાં ઘણા પ્રશ્નો ઉભા કરી રહ્યો છે.